ပြည်ထောင်စုဝန်ကြီး ဦးကျော်တင့်ဆွေ ကုလသမဂ္ဂဒုက္ခသည်များဆိုင်ရာ မဟာမင်းကြီးအား တွေ့ဆုံ

Printer-friendly versionSend by email

ပြည်ထောင်စုဝန်ကြီး ဦးကျော်တင့်ဆွေ ကုလသမဂ္ဂဒုက္ခသည်များဆိုင်ရာ မဟာမင်းကြီးအား တွေ့ဆုံ

နေပြည်တော် စက်တင်ဘာ ၂၈

(၇၄) ကြိမ်မြောက် ကုသမဂ္ဂအထွေထွေ ညီလာခံတက်ရောက်ရန် နယူးယောက်မြို့၌ ရောက်ရှိနေသည့် နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေသည် ကုလသမဂ္ဂဒုက္ခသည် များဆိုင်ရာ မဟာမင်းကြီးMr. Filippo Grandi အား စက်တင်ဘာ ၂၆ ရက်တွင် ကုလသမဂ္ဂဌာနချုပ်၌ တွေ့ဆုံခဲ့သည်။

တွေ့ဆုံစဉ် ဘင်္ဂလားဒေ့ရှ်သို့ ရောက်ရှိနေသည့် နေရပ်စွန့်ခွာသူများအား ပြန်လည်လက်ခံရေးအတွက် မြန်မာနိုင်ငံမှ ဆောင်ရွက်နေသည့် လုပ်ငန်းများအား အထောက်အကူပြုရန် မြန်မာနှင့် ကုလသမဂ္ဂ(UNDP/ UNHCR) တို့အကြား သဘောတူလက်မှတ် ရေးထိုးထားသည့် နားလည်မှုစာချွန်လွှာ အကောင်အထည်ဖော်ရာတွင် ဆက်လက်ပူးပေါင်းဆောင်ရွက်မည့်ကိစ္စများကို ဆွေးနွေးခဲ့ကြသည်။

ဆက်လက်၍ ပြည်ထောင်စုဝန်ကြီးက ဖွံ့ဖြိုးတိုးတက်ရေးစီမံကိန်းများဖြစ်သည့် Quick Impact Projects - QIPs များကို အကောင်အထည်ဖော်ခြင်းဖြင့် ရခိုင်ပြည်နယ်ရှိ အသိုက်အဝန်းများ အားလုံးအတွက် အသက်မွေးဝမ်းကျောင်းမှုကို အထောက်အကူပြုရန် အရေးကြီးကြောင်းအလေးထား ပြောကြားခဲ့သည်။