ရခိုင်ပြည်နယ်အတွင်း လူသားချင်းစာနာမှု အကူအညီအထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်း(UEHRD)က လွတ်လပ်သော နိုင်ငံတကာအချက်အလက်ရှာဖွေရေးမစ်ရှင်၏ မြန်မာနိုင်ငံအပေါ် ထုတ်ပြန်သည့် အစီရင်ခံစာနှင့်ပတ်သက်၍ သတင်းထုတ်ပြန်

Printer-friendly versionSend by email

<p style="text-align: center;">ရခိုင်ပြည်နယ်အတွင်း လူသားချင်းစာနာမှု အကူအညီအထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်း(UEHRD)က လွတ်လပ်သော နိုင်ငံတကာအချက်အလက်ရှာဖွေရေးမစ်ရှင်၏ မြန်မာနိုင်ငံအပေါ် ထုတ်ပြန်သည့် အစီရင်ခံစာနှင့်ပတ်သက်၍ သတင်းထုတ်ပြန်</p>

<p style="text-align: justify;"><br>

    နေပြည်တော် ဩဂုတ် ၉</p>

<p style="text-align: justify;">လွတ်လပ်သော နိုင်ငံတကာအချက်အလက်ရှာဖွေရေးမစ်ရှင်၏ မြန်မာနိုင်ငံအပေါ် ထုတ်ပြန်သည့် အစီရင်ခံစာနှင့်ပတ်သက်၍ ရခိုင်ပြည်နယ်အတွင်း လူသားချင်းစာနာမှု အကူအညီအထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်း (UEHRD)က သတင်းထုတ်ပြန်ချက်တစ်ရပ်ကို ဩဂုတ် ၇ ရက်က ထုတ်ပြန်သည်။</p>

<p style="text-align: justify;">အဆိုပါ သတင်းထုတ်ပြန်ချက်တွင် ရခိုင်ပြည်နယ်အတွင်း လူသားချင်းစာနာမှု အကူအညီအထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်း(UEHRD)သည် ကုလသမဂ္ဂနိုင်ငံတကာ အချက်အလက်ရှာဖွေရေးမစ်ရှင် (FFM)၏ ၂၀၁၉ ခုနှစ် ဩဂုတ်၅ရက်က ထုတ်ပြန်ခဲ့သော "မြန်မာ့တပ်မတော်၏ စီးပွားရေးအကျိုးစီးပွားများ (The economic interests of the Myanmar Military)"ဆိုသည့် လတ်တလောအစီရင်ခံစာ(A/HRC/42/CRP.3) ကို တိကျပြတ်သားစွာ ပယ်ချပါ ကြောင်း။</p>

<p style="text-align: justify;">အစီရင်ခံစာတွင် ရခိုင်ပြည်နယ်အတွင်း လူသားချင်းစာနာမှု အကူအညီ အထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်း (UEHRD)၊ ယင်း၏လုပ်ငန်းအဖွဲ့များနှင့် စီမံကိန်းများက ရခိုင်ပြည်နယ်တွင် "အပြည်ပြည်ဆိုင်ရာ ဥပဒေအောက်ရှိ ရာဇဝတ်မှုကျူးလွန်မှုများ"ကို ကူညီထောက်ပံ့ပေးခဲ့ပြီး "စစ်ရာဇဝတ်မှုများ၊ လူသားတစ်မျိုးနွယ်လုံးအပေါ် သက်ရောက်သည့် ရာဇဝတ်မှုများနှင့် လူမျိုးသုဉ်းမျိုးဖြုတ်သတ်ဖြတ်ခြင်း"တို့၏ အကျိုးဆက်များကို အင်အားတောင့်တင်းစေခဲ့သည်ဟု အကျိုးအကြောင်းမဲ့ စွပ်စွဲခဲ့ပါကြောင်း။</p>

<p style="text-align: justify;">UEHRD၏ ကနဦးအစမှာပင် ယင်း၏ရည်ရွယ်ချက်များမှာ လူသားချင်းစာနာမှု အကူအညီအထောက်အပံ့များကို ထိရောက်စွာပေးရန်၊ နေရပ်စွန့်ခွာသူများအတွက် ပြန်လည်နေရာချထားရေး လုပ်ငန်းစဉ်များနှင့် ပြန်လည်ထူထောင်ရေးလုပ်ငန်းစဉ်များတွင် ပေါင်းစပ်ညှိနှိုင်းဆောင်ရွက်ပေးရန်၊ ပဋိပက္ခဖြစ်စဉ်များတွင် ပြေလည်စွာညှိနှိုင်းအဖြေရှာပေးခြင်းနှင့် ရခိုင်ပြည်နယ်ရှိ လူမှုအသိုက်အဝန်းများအတွက် ရေရှည်တည်တံ့သော ငြိမ်းချမ်းရေးတို့ကို တိုးမြှင့်ဆောင်ရွက်ရန်တို့ ဖြစ်ပါကြောင်း။</p>

<p style="text-align: justify;">လူသားချင်းစာနာထောက်ထားသော UEHRD၏ ရည်ရွယ်ချက်များကို မည်သည့်အခါကမျှ သွေဖည်သွားခြင်းမရှိခဲ့သလို ကယ်ဆယ်ရေး၊ သိက္ခာရှိစွာပြန်လာရေး၊ ပဋိပက္ခဖြစ်စဉ်များကြောင့် ပတ်သက်ထိခိုက်ခံရသည့် လူမှုအသိုက်အဝန်းများနှင့် နေရပ်စွန့်ခွာခဲ့ရသူများအား ပြန်လည်နေရာချထားရေး ကိစ္စရပ်များကို မြေပြင်အခြေအနေတွင် တိုးတက်မှုရရှိအောင် အစဉ်တစိုက် လုပ်ဆောင်ခဲ့ပါကြောင်း။</p>

<p style="text-align: justify;">အချက်အလက်ရှာဖွေရေးမစ်ရှင်(FFM)သည် ရခိုင်ပြည်နယ်၏ ရှုပ်ထွေးနက်နဲလှသော ကိစ္စများကို ဖြေရှင်းရန်ဖွဲ့စည်းခဲ့သည့် UEHRD ၏ ရုပ်ပုံလွှာကို ပုံဖျက်၍ ရေးဆွဲခဲ့ပါကြောင်း။</p>

<p style="text-align: justify;">UEHRD အနေဖြင့် ရခိုင်ပြည်နယ်ရှိ လူမှုအသိုက်အဝန်းများနှင့် အခြေချနေထိုင်သူများ ငြိမ်းချမ်းစွာ၊ သဟဇာတဖြစ်စွာ၊ ဂုဏ်သိက္ခာရှိစွာ နေထိုင်နိုင်ရေးနှင့် လုံခြုံစိတ်ချရပြီး ရှင်သန်တက်ကြွသော အနာဂတ်ဖြစ်ပေါ်လာစေရေးအတွက် အမြဲရှင်သန်တည်မြဲ၍ အလုံးစုံပါဝင်သော အဖြေရှာမှုများကို ဆက်လက်ကြိုးပမ်းဆောင်ရွက်သွားမည်ဖြစ်ပါကြောင်း။</p>

<p style="text-align: justify;">UEHRDသည် ရခိုင်ပြည်နယ် ဖွံ့ဖြိုးတိုးတက်ရေးနှင့် ရခိုင်ပြည်နယ်တွင် မှီတင်းနေထိုင်လျက်ရှိသည့် လူမျိုး၊ ဘာသာပေါင်းစုံ၏ ကြီးပွားတိုးတက်ရေး ဘုံရည်မှန်းချက်ပန်းတိုင်ကိုရောက်ရှိရန် နိုင်ငံတော်အစိုးရ၊ ကဏ္ဍပေါင်းစုံမှ အစုရှယ်ယာဝင်များ၊ နိုင်ငံ့အရေးစိတ်ဝင်စားသူပြည်သူများနှင့် နိုင်ငံတကာမှမိတ်ဖက်အဖွဲ့အစည်းများအကြား ပူးပေါင်း၍ ညှိနှိုင်းဆောင်ရွက် အထောက်အကူပြုသည့် စက်ယန္တရား၊ အစုအစပ်လုပ်ငန်းတစ်ခုဖြစ်ပါကြောင်း။</p>

<p style="text-align: justify;">UEHRD သည် လူ့အခွင့်အရေးများနှင့် လူ့ဂုဏ်သိက္ခာတို့ အခြေခံသည့် တရားမျှတ၍ သဟဇာတဖြစ်သော လူ့ဘောင်အဖွဲ့အစည်းတစ်ခု ဖြစ်ပေါ်လာစေရန် ကြိုးပမ်းဆောင်ရွက်နေပါကြောင်း၊ UEHRDသည် ကိုယ်ချင်းစာတရား၊ လူသားအားလုံး၏ လုပ်ပိုင်ခွင့်၊ ငြိမ်းချမ်းခြင်းနှင့် သာယာဖွံ့ဖြိုးခြင်းတို့ကို လက်ခံယုံကြည်ပါကြောင်းဖြင့် ဖော်ပြပါရှိသည်။</p>

<p style="text-align: justify;">&nbsp;</p>

<p style="text-align: justify;">&nbsp;</p>

<p style="text-align: justify;">&nbsp;</p>

<p style="text-align: justify;">&nbsp;</p>

<p style="text-align: justify;">&nbsp;</p>