အေပီ သတင်းဌာနမှ မှားယွင်းသတင်းရေးသားမှုနှင့် ပတ်သက်၍ နိုင်ငံခြားရေးဝန်ကြီးဌာနမှ သံအမတ်ကြီး ဦးကျော်ဇေယျ က စိတ်မကောင်းကြောင်းနှင့် အမြန်ဆုံးပြန်လည်ပြင်ဆင်ပြီး သတင်းဌာန၏ သိက္ခာကို အဖတ်ဆယ်နိုင်လိမ့်မည်ဟု မျှော်လင့်ကြောင်း ပြောကြား

Printer-friendly versionSend by email

အေပီ သတင်းဌာနမ ားယွင်းသတင်းရေးသားမုနင့် ပတ်သက်၍ နိုင်ငံခြားရေးဝန်ကြီးဌာနမ သံအမတ်ကြီး ဦးကျော်ဇေယျ က စိတ်မကောင်းကြောင်းနင့် အမြန်ဆုံးပြန်လည်ပြင်ဆင်ပြီး သတင်းဌာန၏ သိက္ခာကို အဖတ်ဆယ်နိုင်လိမ့်မည်ဟု မျော်လင့်ကြောင်း ပြောကြား

 

နေပြည်တော် နိုဝင်ဘာ ၂၁

(၁၃) ကြိမ်မြောက် အာရှ - ဥရောပ နိုင်ငံခြားရေးဝန်ကြီးများ အစည်းအဝေးဖွင့်ပွဲကို နိုဝင်ဘာ ၂၀ ရက်တွင် ကျင်းပရာနိုင်ငံတော်၏အတိုင်ပင်ခံပုဂ္ဂိုလ် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်အောင်ဆန်း စုကြည်က အဖွင့်မိန့်ခွန်းပြောကြားခဲ့သည်။

 

ယင်းသတင်းကို မြန်မာ့အသံနှင့် ရုပ်မြင်သံကြား (MRTV), MITV တို့မှ တိုက်ရိုက်ထုတ်လွှင့်ပြသခဲ့ပြီး The Global New Light of Myanmar  သတင်းစာတွင် အပြည့်အစုံ ဖော်ပြခြင်း၊ မြန်မာသတင်းစာများတွင် ဘာသာပြန်ဆို ဖော်ပြခြင်းများ ပြုလုပ်ခဲ့သည်။

 

အဆိုပါ မိန့်ခွန်းနှင့် ပတ်သက်၍ အေပီသတင်းဌာနက သတင်းရေးသားရာ၌ The Latest : Suu Kyi Blames Conflicts on Illegal Immigration ခေါင်းစဉ်ဖြင့် Myanmar leader Aung San Suu Kyi says the world is facing instability and conflict in part because illegal immigration spreads terrorism in a speech that comes as her country is accused of violently pushing out hundreds of thousands of unwanted Rohingya Muslims. ဟု ရေးသားဖော်ပြထားသည်ကို တွေ့ရသည်။

 

ထိုမှားယွင်းဖော်ပြမှုကို TIME, The New York Times, The Washington Post , Sun Francisco Chronicle  အစရှိသည့် နိုင်ငံတကာ သတင်းဌာနများကလည်း ပြန်လည်ကိုးကား ရေးသားခဲ့သည့်အတွက် သတင်းမှားပါ အချက်အလက်များမှာ ပိုမိုပျံ့နှံ့သွားခဲ့ကြောင်း သိရှိရသည်။

 

ယင်းဖြစ်စဉ်နှင့် ပတ်သက်၍ နိုင်ငံခြားရေးဝန်ကြီးဌာနမှ တာဝန်ရှိသူအား ဆက်သွယ်မေးမြန်းရာ၌ သံအမတ်ကြီး ဦးကျော်ဇေယျက “( ၁၃) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေးမှာ နိုင်ငံတော်၏အတိုင်ပင်ခံပုဂ္ဂိုလ် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်အောင်ဆန်းစုကြည်က အာရှ - ဥရောပ မိတ်ဖက်ဆက်ဆံရေးဟာ အခုကျင်းပတဲ့ ခေါင်းစဉ်ဖြစ်တဲ့ ငြိမ်းချမ်းရေး၊ စဉ်ဆက်မပြတ် ဖွံ့ ဖြိုးတိုးတက်ရေးတို့ကို ထိန်းသိမ်းမြှင့်တင်နိုင်ဖို့အတွက် အရေးကြီးတယ်။ ဒါကိုလည်း ပေါင်းစည်း ကြိုးပမ်းမှုနဲ့ ရရှိနိုင်မယ်လို့ အပြုသဘော ပြောကြားခဲ့ပါတယ်။ ဒီလိုပြောကြားရာမှာ ကမ္ဘာပေါ်မှာ ဖြစ်ပွားတဲ့ ပဋိပက္ခတွေဟာ ခြိမ်းခြောက်မှုအသစ်တွေ ဖြစ်ပေါ်စေခဲ့ပြီး အဲဒါတွေက တရားမဝင် ရွှေ့ပြောင်း သွားလာခြင်း၊ အကြမ်းဖက်မှုနဲ့ အစွန်းရောက်မှု ပျံ့နှံ့လာခြင်း၊ လူမှုရေးဆိုင်ရာ သဟဇာတဖြစ်မှုနဲ့ နျူကလီးယားစစ်ပွဲ အန္တရာယ်တွေ ဖြစ်တယ်လို့ ထည့်သွင်းပြောကြားခဲ့ပါတယ်။

 

“ဒါပေမယ့် အေပီ သတင်းဌာနက ရေးသားရာမှာ နိုင်ငံတော်၏အတိုင်ပင်ခံပုဂ္ဂိုလ်က ကမ္ဘာတစ်ဝန်း မတည်ငြိမ်မှုများ၊ ပဋိပက္ခများနဲ့ ရင်ဆိုင်နေရခြင်းမှာ တရားမဝင် ရွှေ့ပြောင်းသွားလာမှုက အကြမ်းဖက်မှု များကို ပျံ့နှံ့စေခြင်းကြောင့် ဖြစ်ကြောင်းလို့ လွဲမှားစွာ ရေးသား ဖော်ပြထားတာကို တွေ့ရှိရပါတယ်။ “အဓိကအားဖြင့် ဒီဖွင့်ပွဲအခမ်းအနားဟာ နိုင်ငံ ၅၁ နိုင်ငံ၊ အာဆီယံ အတွင်းရေးမှူးချုပ်ရုံးနဲ့ ဥရောပကော်မရှင် စတဲ့ မိတ်ဖက်တွေပါဝင်တဲ့ အေဆမ်အဖွဲ့ရဲ့ နိုင်ငံခြားရေးဝန်ကြီးများ အစည်းအဝေး ဖွင့်ပွဲအခမ်းအနား ဖြစ်ပါတယ်။ ဖွင့်ပွဲအခမ်းအနားမှာ အာရှ-ဥရောပတစ်လွှားက နိုင်ငံခြားရေးဝန်ကြီးတွေ၊ ဒုတိယဝန်ကြီးတွေ၊ အဆင့်မြင့်အရာရှိကြီးတွေ တက်ရောက်ကြပါတယ်။

 

ဒါ့အပြင် ပြည်တွင်း၊ ပြည်ပမှ မီဒီယာတွေကိုလည်း တိုက်ရိုက် သတင်းရယူခွင့် ပြုထားခဲ့ပါတယ်။ “ပြောကြားချက်တွေကို နိုင်ငံပိုင်မီဒီယာများက ထုတ်လွှင့်ဖော်ပြထားပြီး ဖြစ်ပါတယ်။ ဒီလို ထုတ်ပြန်ပေးတဲ့ သတင်းကို အခုလို သတင်းဌာနကြီးတစ်ခုက မှားယွင်းဖော်ပြထားတာကို တွေ့ရှိရတဲ့အတွက် အလွန် စိတ်မကောင်းဖြစ်မိပါတယ်။ ဒီသတင်းအပေါ်မှာ အခြားသတင်းဌာနတွေက ကိုးကား ရေးသားခဲ့လို့ သတင်းမှားတွေ ပျံ့နှံ့ခဲ့တာကြောင့် စိတ်ပျက်စရာ ဖြစ်ပါတယ်။ “အမှုမဲ့ အမှတ်မဲ့ပဲ မှားမှား၊ ရည်ရွယ်ချက်နဲ့ပဲ မှားမှား၊ မှားသွားပြီ။ မှားသွားပြီဆိုရင် သတင်းဌာနကြီး တစ်ခုအနေနဲ့ ဒါက သိက္ခာကျစရာ ဖြစ်ပါတယ်။ ဒါကြောင့် သူတို့ရဲ့ မှားသွားတဲ့ဟာကို အမြန်ဆုံး အမှန်အတိုင်း ပြန်လည်ပြင်ဆင်ပြီး သူတို့ရဲ့ သိက္ခာကို အဖတ်ဆယ်မယ်လို့ မျှော်လင့်ပါတယ်” ဟု ပြောကြားသည်။

 

နိုင်ငံတော်၏ အတိုင်ပင်ခံပုဂ္ဂိုလ်၏ အဖွင့်မိန့်ခွန်းကို အင်္ဂလိပ်ဘာသာဖြင့် ပြောကြားခဲ့ခြင်းဖြစ်ပြီး ဖွင့်ပွဲအခမ်းအနားတွင် ပြည်တွင်း၊ ပြည်ပမီဒီယာများအား တိုက်ရိုက်သတင်းရယူခွင့် ပြုခဲ့သည်။